He aha koia te tikanga o ēnei whakaaro ahumoni?!

Kua kohia e mātou ētahi kupu ahumoni e rite ana te kōrerohia, e whakaaro ai te tangata: He aha koia te tikanga o ēnei whakaaro ahumoni?!

English version

Ngā mākete pea me ngā mākete pūru

I te wā e auheke ana te mākete-hea, ā, e whakakauriki ana te taiōhanga, ka kīia he mākete 'pea' (e anga whakararo ngā koikara). I te mākete 'pūru', e aupki ana anō te mākete-hea, ā, e tipu ana hoki te taiōhanga (e anga whakarunga ngā hāona). E tūmanako ana te nuinga o ngā kaihaumi ki tētahi mākete pūru (he pikinga o te 20% neke atu rānei), engari me mataara tonu ki te mākete pea (he hekenga o te 20% neke atu rānei.

Taiwhanga whitirangi (blockchain)

He 'meka' haumaru o ngā 'poro' matihiko e tiria ana puta noa i tētahi whatunga rorohiko whānui. Ka puritia e ngā taiwhanga whitirangi he pūkete pono o ngā moni whitirangi me ngā NFT.

Moni whitirangi (cryptocurrency)

He moni mariko e taea ana te whakawhiti pērā i te moni tūturu. Engari he nui te rerekē o te uara o te moni whitirangi!

NFT (non-fungible token)

He uka matihiko ahurei e kore e taea te tārua. Ka rite te NFT ki ngā mea tūturu pēnei i te taputapu, te toi hoki.  Ina hoko koe i te NFT, nāu te mahinga toi rā.

Pūtea taurewa waka

Te piki tonu o te utu mō tētahi mea ka heke tonu te uara!

Tau moni taurewa 

He tau ka whiwhi koe i runga i te pai o tō utu i ō nama i mua, tō utu moni taurewa rānei. Ka teitei ake tō tau, ka pai ake ngā whakaritenga moni taurewa ka whiwhi koe.

Huamoni 

Te utu o te whakamahi i ngā moni a ētahi atu. Me noho tonu ki tōna taha pai.

Utu peke, utu more

Te moni katoa ka ea i a koe (utu peke) me te moni ka toe ki a koe (utu more). 

Penapena

Ehara ko te utu ngāwari te whāinga. Ko te waiho moni ki rahaki kē mō ō whāinga ki tua.

Huamoni whakaputu

Ka ea ana i te huamoni he huamoni, e tere piki ai ō moni penapena. 

Tāpaenga kāwanatanga

E taea ana te $260 i ia tau mai i te kāwanatanga, ki te hoatu moni koe ki tō KiwiSaver.

Waka rōnaki o te KiwiSaver

Ka heke ana ngā tapeke o tō Kiwisaver, ka hiahia whakawhiti koe ki tahua kē – engari kia tūpato te makere mai i te waka rōnaki i a ia e tiemi ana. 

Whakahokinga

Ko ngā moni ka hoki mai ki tō pūkoro i ō moni haumi.

Utu huna

Ko ngā utu huna ka whakapiki i te utu tūturu o tētahi mea.

Rarutanga KiwiSaver

Te tango moni i tō pūtea KiwiSaver e ora pae poto ai koe. Me tino raru rawa e pēnei ai koe, ka pākia hoki ko tō oranga pae tawhiti.  

Uara more

Ko ō rawa i muri i te tangohia o ō nama. Mā konei koe e mōhio ai mēnā kei te ahu whakamua koe ā-moni nei. 

Hararei utunga

Te whakatā i ō utu pūtea taurewa mō tēnei wā, engari ka nui atu tō utu huamoni. Nō reira ka pai ake mēnā ka tino poto te hararei.

Hararei mōkete

Te kore e utu i tō mōkete mō tētahi wā kua tohua, engari ka piki tonu te huamoni hei utu māu.