Sorted header abstract pattern
Sort my 6 Steps Tools Guides Blog More
Search Icon search small

back iconBack

Start here

Sort my...
A man and woman are walking together outdoors and looking happy

back iconBack

Start here

6 steps to get your money Sorted

back iconBack

All tools

Tools

back iconBack

View all

back iconBack

View all

back iconBack

More Sorted Info

Blogs
View all

Te Ao Māori

Ekea te tiritiri o te moana hei te tau tītoki

26 June 2019
Reading time: 4 minutes


Posted by Tom Hartmann , 0 Comments

He wā ki te kōkiri i ētahi mahi, he wā hoki ki te whakarerekē. He wā ki te whakanui i ngā hauhakenga, heoi anō he wā hoki ki te pokapoka i te whenua mō ngā kākano hou o te tau e tū mai nei.

English version

Matariki, koirā hoki te ingoa o tētahi kāhui whetū e mōhiotia ana ko ‘Pleiades’. He kāhui whetū tērā nō ētahi atu kāhui whetū e tino pātata ana ki tēnei ao, he kāhui hoki tēnei e kitea ngāwaritia ana – ka tau te mauri i te mōhio ake e mātakitaki ana ērā whetū i a tātou. Kia mahuta ake ai rātou i ia takurua, e tohu ana rātou i ētahi tīmatanga hou.

Nō reira, i a tātou ka titiro whakamua ki te tau hou i tēnei wā o Matariki, he tau, pēhea nei, te tau e tū mai nei?

 

He wā tēnei hei arotake i ā tātou pūtea, he wā hoki hei whakatakoto i ētahi rautaki kia pai ake ai te wairua ā tērā tau, tēnā i te momo e rangona nei. Koinei te wā e whakaae ai tātou ki ētahi o ngā mea tē taea te whakatutuki, ki te whakapaipai hoki i ngā kāpata ā-pūtea.
Ko ngā moni tārewa, hei tauira. Tokomaha tātou e noho nama tonu ana, ā, ko te reo tēnei o aku wheako i ahau ka kī ake, i ētahi wā he taumaha te waha i ērā momo pīkautanga. Ka tata ake rānei tātou ki Te Korokoro-o-Te-Parata, ka māmā iho ai rānei ērā pīkautanga i te rewanga anō o Matariki, ā tērā tau? Ē, mā te aha i tērā hei momo iti kahurangi mā te tangata.

Mehemea kāore anō koe kia whakamātau atu, e taea ana e tā mātou tātaitai moni tārewa te kimi i ētahi huarahi tere e puta ai koe i aua pōrarurarutanga. Sorted ētahi rauemi pai hei āwhina i a tātou ki te whakarite i tētahi mahere ahumoni pai, arā ko ngā puka tātaki, ko te rangitaki, me ētahi taputapu tuihono pērā i te whakamahere nama (debt calculator).

I ngā wā o Matariki, whakanuia ai e tātou ngā mea kei a tātou, me ngā kaha hoki me whakapau e tātou. He rawe tēnei wā ki te whakarite whāinga (goal planner), ki te whakatakoto rautaki mō ā tātou pūtea (budgeting tool), me te mātua mōhio e rere ana aua pūtea ki ngā wāhi e tūmanakotia ana (money tracking). Pēnei i te āta whakariterite i te māra kia matomato ai te tupu o ētahi hua e whāngaia ai te whānau katoa.

Nō reira, kia harikoa i roto i ngā whakanuitanga, me ngā tīmatanga hou. Waiho iho mā tēnei whakataukī Māori e whakakōpani ake i ēnei kōrero āku:

Mā te whakaatu, ka mōhio
Mā te mōhio, ka mārama
Mā te mārama, ka ora ai tātou

Mā ngā kanohi hōmiromiro o Matariki tātou katoa e manaaki i roto i te tau e kainamu mai nei, i a tātou ka pakanga kia pai ake ai tā tātou noho – mō tātou ake, mō ērā hoki e karapoti ana i a tātou.

Comments (0)

Comments

No one has commented on this page yet.

RSS feed for comments on this page | RSS feed for all comments

Tags
Kids and money Budgeting Goals Scam alert Money mindset KiwiSaver Managing debt Money tips Investing

Recent Comments

Who’s teaching your daughter (or niece, or granddaughter) about money?
1 Comment

My Money Sorted: Hilary Barry
2 Comments

My Money Sorted: Ben
3 Comments

My Money Sorted: Daniel
1 Comment

8 ways to hack Christmas when you’re stretching the budget
6 Comments

6 ways to shop smarter this Black Friday
1 Comment

sign up bar pattern
sign up bar icon

Want help with your money coming straight to your inbox? Sign up to Sorted.